बिचित्र संसार

चिहान बाट लास झिकेर लास लाई सिङ्गारी गाउ घुमाउने पर्ब (फोटो सहित)

यो संसारमा विभिन्न संस्कृति तथा परम्परा भएका मानिस छन् । यहाँ यस्ता आदिवासीहरु छन् जसको परम्परा तथा संस्कृति अरु मानिसकालागि अनौठो मात्र होइन सुन्दा पनि आङ नै जिरिंग बनाउने खालको हुन्छ ।
इण्डोनेसियाको सुलावेसी प्रान्तस्थित तोराजा जिल्लामा बस्ने एक आदिवासी समुदायले मनाउने एक पर्व यस्तै अचम्मको छ । स्थानीय भाषामा मानेने भनिने उक्त पर्वमा चिहान खोतलेर मानिसको लास निकालिन्छ अनी उक्त लासलाई नयाँलुगा लगाइन्छ ।

हामी कहाँ गाइजात्राको दिन मृतक आफन्तको सम्झना तथा सम्मानमा गाइको प्रतिक बनाएर सहर घुमाउने चलन छ । तर ती आदिवासीहरु भने चिहानबाट साँच्चीकै मृतकको लास निकालेर नयाँ कपडा लगाइदिएर गाउँ परिक्रमा गराउँछन् । हरेक ३ वर्षमा यो पर्व मनाउने गरिँदोरहेछ । मानिस मरेको सयौँ वर्ष किननहोस् उसको आत्मा परिवारसँगै हुने विश्वास उक्त समुदायका मान्छेहरुको छ ।

उक्त समुदायका मानिसहरुले आफन्तजनको निधन भएपछि उसको शवलाई निकै जतन गरेर नकुहिने गरी चिहान बनाएर गाड्छन् । यसरी गाडिएको लासलाई परिवारजनले यो पर्वका बेला निकाल्छन्, नयाँलुगा लगाइदिन्छन्, सिँगारपटार गरिदिन्छन्, गाउँ घुमाउँछन् र फेरी उसैगरी चिहानमै गाडिदिन्छन् ।

२ वर्षे बालकको अजिंगरसँग हेलमेल

सर्प भनेपछि आङ नै सिरिंग हुन्छ । हामी उमेर छिप्पिएकाहरु त सर्पसित डराउँछौँ भने केटाकेटीहरु नडराउने कुरै भएन । तर यदि दुइ वर्षे बालक दश फुट लामो अजिंगर सँगै बसेको देख्नुभयो भने तपाइँ के भन्नुहुन्छ ? अवश्यपनि तपाइँको मुटुको चाल ह्वात्तै बढ्नेछ । किनकी त्यो बच्चाले अजिंगरलाई नचिनेर उसको नजिक गयो, अब उसलाई अजिंगरले आक्रमण गर्छ भन्ने अनुमान तपाइँको हुन्छ ।

तर अस्ट्रेलियामा एउटा यस्ता बच्चा छन् जसको उमेर २ वर्ष छ तर उनी आफुभन्दा ३ गुणा ठूलो दशफुटे अजिंगरसँग उठबस गरिरहेका हुन्छन् । यस अर्थमा चार्ली पार्कर नामका ती बालक विश्वका सबैभन्दा कम उमेरका वन्जयन्तुकर्मी समेत बनेका छन् र उनी आजभोलि सबैको आकर्षणको केन्द्र बनेका छन् ।

चार्लीलाई उक्त अजिंगरको डर पटक्कै लाग्दैन । उनी निश्चिन्त भएर अजिंगर सँग खेलिरहेका हुन्छन् । कहिले अजिंगरलाई सकी नसकी उठाएर काँधमा बेर्छन् अनी बल्लतल्ल हिँड्छन् ।

विक्टोरिया क्षेत्रमा एक वन्जयन्तु पार्क संचालन गर्ने चार्लीका पिता ग्रेग पार्करलाई आफ्नो छोराको सर्पप्रेम देखेर निकै चित्त बुझेको छ । आफ्नो छोरो सानैदेखि वन्जयन्तुप्रेमी भएकोमा उनलाई गर्व छ ।

राजाका अगाडि कुमारी कन्याहरुको नांगो परेड (फोटोफिचर सहित)

आफ्नो देशका राजाप्रति सम्मान तथा एक्येबद्धता प्रकट गर्न त्यस देशका जनताले के गर्लान् ? यसको एउटै जवाफ नहुनसक्छ, किनकी देश गुनको भेष भनेझैँ सबैको आ आफ्नो तरिका हुनसक्छ ।

तर स्वाजिल्याण्ड भन्ने अफि्रकी देशमा भने राजाप्रति सम्मान तथा एकता पर््रदर्शन गर्न त्यस देशका हजारौँ महिलाहरुले हालै नांगो परेड देखाएका छन् ।

अफि्रकी महादेशकै अन्तिम सक्रिय राजतन्त्रको रुपमा रहेको स्वाजिल्याण्डका राजले बिहे गर्नका लागि केटी छान्न पनि देशभरीका तरुनी कन्याहरुलाई नांगै जुलुस निकाल्न लगाएको विषयले केही समयअघि चर्चा र विवाद उत्पन्न गराएको थियो । निरंकुश राजाले जबरजस्ती महिलाहरुलाई नंग्याएको आरोप लागेको थियो ।

तर यो पटक भने राजधानीस्थित राजदरबार बाहिरै आयोजित एक भव्य समारोहमा हजारौँ महिला तथा युवतीहरु स्वतःस्फर्ूत रुपमा टपलेस भएर राजका अगाडि परेड देखाए । परम्परागत पहिरनमा सजिएका महिलाहरुले तल्लो वस्त्र लगाएका भएपनि अधिकांसको सरीरको माथिल्लो भाग नांगो थियो । जसका कारण उनीहरुका स्तन देखिएका थिए ।

खासगरी राजारानीका आमाप्रति श्रद्धा प्रकट गर्न उनीहरुले महिलापन र कुमारीत्वका गाथा गाएर नाच समेत प्रस्तुत गरेका थिए । वास्तवमा महिला हुनु भनेको गर्वको विषय हो भन्ने कुरा देखाउन महिलाहरुले यसो गर्ने गरेका बताइन्छ ।

टपलेश परेडमा सहभागि एक १८ वर्षीया किशोरीले आफु स्वाजिल्याण्डको नागरिक तथा कुमारी केटी हुन पाएकोमा गर्व महसुस भएको बताउँदै आफु राजासँग एक्येबद्धता जनाउन त्यहाँ आएको बताइन् ।

स्वाजिल्याण्ड अफि्रकाको सबैभन्दा गरीब देश मध्येको एक हो । यहाँका राजाका मसवाती तृतीयका कम्तिमा एक दर्जन श्रीमतीहरु रहेको बताइन्छ । देश गरीब भएपनि राजा भने धनकुवेर नै रहेको र उनको २० करोड अमेरिकी डलर सम्पत्ति रहेको बताइन्छ ।

साङ्ला दौडने रेष्टुरेन्टलाई लाख डलर जरिवाना

हामीकहाँ गुँदपाकमा गुहु मिसाउनेलाई पनि खासै कारवाही हुँदैन । तर विकशित देशमा भने खाद्य पदार्थमा हुने मिसावट तथा सरसफाइमा गरिने हेलचेक्राइ अक्षम्य अपराध बन्दछ ।

अस्ट्रेलियामा एकजना भारतीय रेष्टुरेन्टका मालिकले रेष्टुरेन्ट फोहोर राखेको आरोपमा झण्डै एक लाख डलर जरिवाना तिर्ुनपरेको छ । किंग्स क्रस इलाकामा रहेको उक्त रेष्टुरेन्टलाई सफाइ तथा स्वच्छता उल्लंघन गरेको आरोपमा यतिधेरै रकम सजाइँ सुनाइएको हो ।

अनुगमनका क्रममा उक्त रेष्टुरेन्ट भित्र सरसफाइमा ध्यान नदिइएको तथा विभिन्न ठाउँमा मरेका मुसा पाइनुका साथै यत्रतत्र सांग्ला देखिएका थिए । सरसफाइमा हेलचेक्राइ गरी उपभोक्ताको स्वास्थ्यमा खेलवाड गरेको भन्दै स्थानीय अदालतले खाद्य पदार्थ स्टार्न्र्डड ऐन अनुसार उक्त रेष्टुरेन्टका मालिकलाई साढे ९७ हजार डलर जरिवानाको फैसला गरेको हो ।

एक ग्राहकको उजुरीको आधारमा स्वास्थ्य अधिकारीहरुले उक्त रेष्टुरेन्टको नीरिक्षण गरेका थिए । त्यसक्रममा दराजहरुमा मुसाको लेँड पाइनुका साथै रछ्यानको नजिकै मरेको मुसा फेला परेको थियो । रेष्टुरेन्टका ढोका तथा काउन्टर लगायतका ठाउँमा सांग्लाहरु गर्ुर्रुर दौडेको देखेपछि अनुगमन अधिकारीहरुको पारो तातेको थियो । दराजको खापाहरुमा धूलो तथा माटो जमेको र त्यहीँमुनिका खापामा खाद्यपदार्थ राखिएको अनुगमनका क्रममा पाइएको थियो ।

के गर्नु, यतिविधि कडा कानुन हुन्छ र पो उपभोक्ताको अधिकार सुनिश्चित हुन्छ । हाम्रोमा कहिलो होला त्यस्तो ?

गिनिज बुकमा चढ्यो एक टनको बर्गर

तपाइँले खाने बर्गर कत्रो हुन्छ ? हातमा अट्ने उक्त बर्गरको तौल कति होला ? के तपाइँले एक टन तौलको बर्गरको कल्पना गर्नुभएको छ ? छैन भने अब तपाइँले कल्पनै गर्न परेन, किनकी विश्वमा एक टन तौल भएको बर्गर निर्माण भैसकेको छ ।

अमेरिकाको एक क्यासिनोले विश्वकै सबैभन्दा ठूलो चिजबर्गर बनाएर किर्तिमान कायम गरेको छ । १० फिट ब्यास भएको यो चिजबर्गरको तौल एक टन रहेको छ । यो चिजबर्गर आइतबार कार्लटनस्थित ब्लायक बियर क्यासिनो रिसोर्टमा पाहुनाहरुलाई खुवाइयो ।

गिनिज बुक अफ वल्र्ड रेकर्डका प्रतिनिधि फिलिप रोबर्टसनले यो बर्गरलाई विश्वकै सबैभन्दा ठूलो बर्गरको रुपमा गिनिज बुकमा नाम चढाएको प्रमाणपत्र प्रदान गरे । उनले यति ठूलो बर्गरको निर्माण हुनु समूह भावनामा काम गर्नुको परिणाम भएको भन्दै बर्गर निकै स्वादिष्ट रहेको पनि बताए ।

यो किर्तिमानी बर्गरमा २७ किलो मासु, २३ किलो सलाद, २३ किलो प्याज, १८ किलो अचार तथा १८ किलो चीज मिसाइएको छ । यो बर्गरलाई पकाउन झण्डै ४ घण्टा समय लागेको थियो । यो बर्गरलाई उठाउन क्रेनको सहायता लिनुपरेको थियो ।

स्मरण रहोस् यसभन्दा पहिले विश्वको सबैभन्दा ठूलो बर्गरको तौल ४ सय केजी थियो ।

जुम्ल्याहा छोरीमध्ये एउटी गोरी , अर्की काली

जुम्ल्याहा बच्चाहरुमा जिउडाल, वर्ण लगायतका अरु धेरै कुरा मिल्छन् । तर बेलायतकी एक महिलाले भने यस्ता जुम्ल्याहा छोरी पाएकी छिन् जसमध्ये एउटी बच्ची गोरी छिन् भने अर्की काली ।

जुम्ल्याहामध्ये एउटीको वर्ण गोरो र अर्कीको कालो भएपछि अस्पतालका डाक्टरहरु पनि अचम्ममा परेका छन् । तर यस्ता फरकफरक जुम्ल्याहा छोरी पाएकोमा आमा पामेला फ्रेजर भने गौरवान्वित छिन् । उनी

 भन्छिन्, ‘धन्य मैले गोरो र कालो छुट्टाएर पाएँ, एकैठाउँ मिसाइन ।’

जुम्ल्याहामध्ये क्यान्डिस एन नामकी बच्चीको छालाको रंग कालो छ, कपाल तथा आँखाको नानी कालो छ । तर अर्की बच्ची एलिसा लिलीको छाला गोरो छ, कपाल खैरो छ र आँखाको नानी पनि खैरो छ ।

ती महिलाका श्रीमान ओसवाल्डका बुवाआमा र आफ्ना बुवाआमा पनि कालो तथा गोरो वर्णका भएकाले आफ्ना जुम्ल्याहा छोरी फरक फरक भएको हुनसक्ने पामेलाको अनुमान छ । ती महिलाकी आमा कालो वर्णकी तथा बाबु गोरो वर्णका रहेछन् भने पुरुषका बुवा कालो तथा आमा गोरो वर्णकी रहेछिन् ।
चिकित्सकहरुका अनुसार जुम्ल्याहाको वर्ण फरकफरक हुनु निकै दुर्लभ घटना हो । दश लाखमा एक जुम्ल्याहामा यस्तो लक्षण देखिन सक्छ ।